قال الإعلامي عمرو أديب، إن الرئيس عبدالفتاح السيسي، يريد أن يحول مصر لـ”كوريا أو ماليزيا جديدة”، مضيفا: “لكن يبقي السؤال، هل سيساعده المصريين في ذلك، هل سيصبر المصريين على الإجراءات الاقتصادية الصعبة؟”
وأضاف “أديب”، خلال تقديمه برنامج “كل يوم”، المذاع علي فضائية “on-e”، اليوم الثلاثاء،: “هي الناس فعلا زهقانة بسبب الأسعار، بس لازم نخلي بالنا أنه فيه حركة كل يوم الرئيس بيقوم بيها”.
وتابع: “لو ده أداء الرئيس اللي الناس بتقول عليه غير جيد، أومال الرئيس الجيد مفروض يعمل أيه أكتر من كده، قولولنا مواصفات الرئيس الجيد اللى عايزينها او اللى شوفتوها خلال الـ50 سنة اللى فاتو؟”
وأكد “أديب” أن الرئيس السيسي يعمل 24 ساعة، ولابد للشعب الصبر عليه، قائلا: “أنا عارف إن الناس تعبانة لكن بصراحة احنا بنشوف حاجات مكناش بنشوفها الرئيس بيعملها، احنا بقينا نشوف إنجازات على الأرض عمارات ومستشفيات ومصانع واقفة على رجليها، البلد كان بنقصها طرق وإنشاءات ومشاريع، والآن نجد كل تلك الأشياء على الأرض”.
