مين الصح ومين الغلط ؟

(7) مين الصح ومين الغلط
===============
محاولات فى الشعر الحر ، كمصرى فى هولندا
جميع حقوق الملكية الفكرية والتأليف والنشر محفوظة
للمؤلف / محمد موسى سلمان

مين الصح ومين الغلط ؟
لاتعرف عدو من حبيب
وفين الصح وفين الغلط ؟
سؤال صعب الهضم
وزى الزلط
حاجات عكس تماما بعضها
وبعيد جدا” عن بعضها
فى آخر الدنيا من اليمين
وفى آخر الدنيا من الشمال
والفجوه بينهم دايما”
أكبر من الخيال
والدنيا والناس فى النص تايهه
وخايفه و مرعوبه ومش عارفه
تروح يمين ولا شمال
لاينفع يتفاوضوا أو يتنازلوا
أو يقفوا فى النص
أو حتى على الحياد

خد اى موضوع خلاف كبير
زى السياسه أو الارهاب أو الدين
أو ازاى نحسن أمورنا وحياتنا
ونطمن على مستقبل اولادنا
مثلا” التزمت أو الالتزام الدينى
يبقى التانى لو حتى أخوك أو ابوك
لازم يبقى كافر وعدو مبين
أما العدو الحقيقى يتنسى
مع إنه قريب قوى
ولابد فى الدره أو فى الطين
والمصيبه لما ياخد جنب
طرف واحد منهم,
مثلا” اليمين
فيصبح صديق قوى ومتين
والمصيبه الاكبر والكارثه
لما يوزع حلفاء من عنده
أو حتى ساعات بنفسه
بين الاتنين
ويقف ويشجع الطرفين

ويصب الزيت على النار
ويوزع فلوس
ويهدى النفوس
ويسيبهم ياكلوا بعضهم
ويتفرج عليهم ويتسلى
ويستنى يخلصوا على بعضهم
اللى فى أقصى اليمين
واللى فى أقصى الشمال
وبالمره كل اللى بينهم كمان
وهمه يقضوا بنفسهم
على ناسهم وبلادهم واهلهم
وهوه آخر انبساط
ومن غير حتى مايوسخ أيديه
و كل الدنيا تمصمص شفايفها
وتتحسر ياعينى على خيبتنا
وتقول إنتوا السبب
صحيح إحنا جزء من السبب
لكن الفاعل والمتهم الحقيقى
هوه المؤامرات وقلة الادب

و الاتنين الاخوات يخسروا
وكل الاطراف والمختلفين
ما عادا هوه
هوه بس الكسبان
ويدور على حلول
ويبقى وسيط السلام
بين الاخوات والجيران
وبعدين المصالح والمكاسب
وجنى الارباح
وإعادة الاعمار وكده
وعلى كده فى كل المواضيع
وكل الطرق تؤدى الى روما
يعنى دين أو ارهاب او سياسه
أو مشاريع نهضه
أو حتى تعليم وثقافه
الخلاف والفجوه
دايما واسعه جدا”
بحيث تاخد عمر وسنين
علشان يلتقوا فى حل وسط
بين أقصى اليمين
واقصى الشمال

شوفتوا إزاى المؤامره
بسيطه قوى
بس إحنا اللى مش شايفين
حتى دى عملوا حسابها
علشان نفضل تايهين
بأنه لا يسيبك تريح أو تفكر
ويدخلك فى ميت حكايه معقده
وميت موضوع ومشكله
وباستمرار
ويقعد من كتر الضحك والكركره
يقع على الارض و يتزحلق
فى ال…
أو فى الطين .

شعر/ محمد موسى سلمان