وجه الإعلامي أحمد موسى، نصيحة ورسالة خاصة للنائب السابق محمد أنور السادات، بعد قرار البرلمان بإسقاط عضويته بمجلس النواب بأغلبية الثلثين.
وقال “موسى” خلال برنامجه “على مسئوليتي” على قناة “صدى البلد”، “انتهى مكانك في مجلس النواب، ابدأ مرحلة جديدة، اجلس مع نفسك ومع أسرتك، وأغلق صفحة الماضي فالعضوية انتهت، وفكر في الغد لتغيير الصورة التي أصبحت لدى كلا من الرأي العام والبرلمان”.
وأضاف: “متخليش حد يورطك أكتر من كده، لأن في ناس بيركبوا على كتافك وناس بيستغلوك، وأنت لوحدك اللى دفعت التمن، حافظ على بلدك وعلى أسرتك”.
واستطرد: “رجاء اصمت، واختفى دلوقت عن الإعلام، وشوف الإعلام وداك فين، وانا بنصحك بطل تتهم هنا وهنا”.
واختتم: “مصر دي كبيرة قوي، وأى حد يفتكر إنه ممكن يقدر يوقعها؛ يبقى مش فاهم حاجة، وأى برلماني يفتكر إنه يقدر يضغط على مصر ده مش صحيح، والكلام بعيد عن السادات”.
