قال النائب مصطفى الجندى عضو مجلس النواب، إن الرئيس عبد الفتاح السيسى، فتح اليوم بوابة حساب كبيرة للفاسدين الموجودين في البلد، حسب قوله، مضيفا: “الرئيس عامل حرب على الفساد اليومين دول وربنا يستر عليه.. ولازم كل حد نهب وسرق يتحاسب.. وده هيعمله الرئيس الفترة الجاية”.
وأضاف “الجندى” خلال مداخلة هاتفية ببرنامج “كل يوم” على قناة “ON E”، أن الرئيس عبد الفتاح السيسى قرر مواجهة أسماء كثيرة تعدت على أراضى الدولة المصرية منذ سنوات، مردفًا: “أنا شايف في السيسي أنه راجل خير وشايل كفنه من أول يوم جه فيه وخايف من ربنا ولازم نصبر عليه”.
وتابع: “حال المصريين ليس أفضل من الأوقات السابقة ولكن المختلف أن هناك محاسبة للفاسد والمخطئ، معقبا ربنا معاك ياريس ويكون في عونك، اللى مرضوش يحطوا فى صندوق تحيا مصر، النهارده اتفتح الحساب، ودى بداية التطهير الحقيقية، الشباب اللى مسجون لازم تخرج من السجون، والمجرمين اللى نهبوا البلد لازم تدخل السجون، وأنا شايف بوادر خير حاليا”.
