علق الإعلامي عمرو أديب، على افتتاح الرئيس عبد الفتاح السيسي لعدد من المشروعات الجديدة، مؤكدا أنه مندهش لسماعه عدة جمل مثل افتتاح أول مستشفى عام في أسوان.
وأضاف “أديب” خلال برنامجه “كل يوم” على قناة “أون إي”: “أسوان مكنش فيها مستشفى عام قبل كدة!!! لما تبص في أكتر من حاجة في الكلام هتحس يعني البلد دي كانت خرابة ومتبهدلة بهدلة غير طبيعية قبل قدوم السيسي”.
وأشار إلى أن افتتاح عدد من المستشفيات في عدد من المحافظات والمناطق مثل شلاتين يعنى أن مصر تحاول بناء نفسها من جديد، متسائلًا:”الناس كانت عايشة من غير صحة إزاي.. البلد دي كانت عايشة إزاي من غير أساسيات؟ ربنا يدي للسيسي الصحة.. أنا تعبت من الفرجة.. ما بالك باللى بيلف من الصبح لحد الساعة 7 مساء”.
