بقلم د. الشيماء عماد
الدين منسق عام شبكة اعلام المرأة العربية
نفس دافى .محاوطنى من كل اتجاه
قلب بيدق دقات بتغرف حب وحنيه
وش جمل ملامحه اهه بدأت تظهر حته حته ادام عيونى الصغيره إلى يااادوب شايفه بيهم طشاش…
ياااااه مين اليست دى؟
شيلانى دائما ليه ……رغم إن شكلها مجهد وتعبان!!!!
طب بتخاف عليا كده ليه وضمانى فى حضنها دائما ليه؟
ايه ده ………..دأنا كنت هقع منها فى الارض..
ياااه دى فدتنى بنفسهااا ،حملت على رجلها هى عشان تفادينى
ورغم كل الوجع …كانت فرحانه ومبسوطه!!!!
مبسوطه ان رجلها إلى وجعتها مش رجلى انا،
ايه كل الحب والحنيه دى ؟
.ده انا اول مابتضمتى ليها بشبع وارتاح واطمن وانام
مين دى ؟
وعايزه منى ايه؟
وبتحبنى كده ليه؟
ياااه دى خرجت بره الاوضه وسبتنى ع السرير
طب انا محتاجه لها ……..عيزاها
انادى عليها ازاااى ؟
لما اجرب انادى عليها كده عشان تجيلى
ايه ده بس انا مش عارفه انادى ….
طب أجرب اعيط ….اصرخ يمكن ترد عليااااا
يااه دى سمعتنى من اولى صرخه وجت جرى عليا وخدتنى فى حضنها
دى جميله قوى…
وانا قويه بيها قوى قوى
انا واحده واحده بقيت بميز صوتها ،بشم ريحتها…
بسند عليها عشان امشى
عشان أجرى عشان اشوف بعنيها الحياه
بقيت اسمع صوتها ، اردد وراها كل جمله فى الحياه
الف ارنب …باء بطه…سين سمكه،شيماء بنت جميله
،بقيت بعرف اكتب جمله ،انا احب امى،،
البقيه فى الجزء الثاني
