وأضاف الرئيس “السيسي”، خلال كلمته في افتتاح عدد من المشروعات التنموية بالصعيد، “أنا كلامي مش مريح بس دي الحقيقة، ودي اللي خلتنا دايما إن مستوانا كدة عشان الحقايق مش بنواجهها كما ينبغي”.
وتابع “كل واحد فينا بيتكلم من غير ما يقول الحاجة بتتكلف كام وبنجيب منين، ولما بيكون فيه زيادة المواطنين بيقولولنا احنا غلابة مش قادرين، وانا كمان غلبان مش قادر”.
وقال: “والله العظيم انا صادق معكم في كل كلمة بقولها، ودماغي مع زمايلي في كل حاجة بتتنفذ، وبطالب زملائي في الحكومة مصارحة جميع المصريين بالحقائق”، مؤكدا “مفيش خدمات في العالم بتتقدم بتكلفة الخدمات المقدمة لمصر”.
وأكد أن الهدف من رفع كفاءة شبكة خطوط السكك الحديدية هو توفير أمان وتنمية للمواطنين، مشددا على أن بناء الأمم ليس بالأمر اليسير، قائلا “لازم هنتحمل ولن نقبل أن يظل مستوانا كما هو الآن ولابد من النهوض ببلدنا”.
